الخميس، 19 نوفمبر 2009

متفرقات هامة

زوار ماتخافوش الاعزاء

اولا اعتذر عن عدم الكتابة لفترة طويلة نظرا لانشغالي بالكلية وشغلها

ثانيا موضوع النهاردة مش موضوع واحد ولكنه موضوعات متنوعه ومتفرقة ولا تتحمل التأجيل اكثر من ذلك

اولها بعنوان

كلنا عمرو سلامة ... كلنا لسه عايش

بصراحه انا مش عارف ايه الدولة دي اللي خايفة اوي من طالب بكلية الاعلام

وليس في جامعه حكومية ولكن في جامعه خاصة يعني بفلوسه


عمرو سلامة كان طالب بكلية الاعلام جامعة سيناء الخاصة وقدم طلب للتحويل الي جامعة الاهرام الكندية

وتم قبول الطلب وكان تقديره امتياز وهو من الطلاب المتفوقين الواعدين

الذين سيكون لهم مستقبل باهر في عالم الصحافه

فهو اول من صور عملية تهريب الدقيق المدعم بالفيديو

وهو صاحب افضل مدونة في مجال حقوق الانسان وفضح قضايا التعذيب

وتم تكريمه من الشبكه العربية لحقوق الانسان لذلك

كما انه من اوائل المناصرين لغزة ومن المشاركين في المسيرات التضامنية لها

كما انه من اوائل من فضحو الفساد بالصوت والصورة

وهو اول طالب يتم شطبه من قوائم الانتخابات الطلابية في الجامعات الخاصة

بل واكثر من ذلك

فبعد تحويله الي الجامعه الكندية مورست عليه ضغوط

من اجل وقف نشاطاته وتحقيقاته الصحفية المتميزة

فقرر الرحيل مرة اخري الي جامعة سيناء وحينها بدأت مرحلة تصفية الحسابات

فتم رفض طلبه بالرجوع لسيناء فقال ما باليد حيله اروح الكندية

فرفض طلبه وهكذا اصبح عمرو في الشارع ليتم قتل موهبة جديدة في بلد الكورة والعوالم

وهكذا يعلمنا النظام ماهو جزاء المبدعين والمتفوقين والمجتهدين انه ............. الشارع

اذن كلنا عمرو سلامه ........ كلنا لسه عايش

.........................

الموضوع الثاني

احذفوا المسجد الاقصي من القران

- لما صورة للمسجد الاقصي تثير عمداء الكليات ورؤساء الجامعات

وتجعلهم يصدروا قرارات فصل للطلبة وقرارات حرمان من الامتحان ومجالس تأديب

- لما الدولة بجلالة قدرها تقف بعساكرها وامنها عشان تنمع مظاهر ومسيرة للمسجد الاقصي

- لما الدول العربية مجتمعه مش عارفه تتخذ قرار جرئ

بوقف تصدير البترول للغرب حتي يرحل اليهود عن المسجد الاقصي

لما تبقي صلاة العيد حرام عشان لافته مكتوب عليها عيدنا يوم تحرير الاقصي

لما مئات والاف الشباب الطاهر يزج بهم في السجون والتهمة هي مناصرة الاقصي

لما المحاكم العسكرية ومحاكم امن الدولة تحكم علي المدنيين وشرفاء وعلماء الامة

لما يقال ان القران ده للبيت والجامع مش للكلية ولا للحياة

يبقي افضل حل اننا نحذف المسجد الاقصي من القران وكل الناس تستريح بس في النهاية

جهنم وبئس المصير
.................................

اللعبة الخبيثة لكرة القدم

تابعت كما تابع الجميع مباراتا الحسم بين مصر والجزائر

وما صاحبهما من زرع متعمد للحرب والكراهية بين الشعبين الشقيقين

وسألت سؤالا

لماذا كل هذا الحقد بين الدولتين حكومة وشعبا

لماذا وصلت مباراة لكرة القدم لغزوة ومعركة بين الاشقاء؟

السؤال الذي تردد في ذهني اكثر هو

لماذا لم يتولد هذا الحقد والكراهية الشديدة بين مصر والبرازيل اثناء كأس العالم للقارات؟

او بين مصر وكوت دي فوار في كاس الامم الافريقية ؟

لماذا عندما يلعب الاشقاء العرب مع بعضهم تتولد مشاعر الكراهية والبغضاءمابين الشعبين؟

السنا جميعا مسلمون ؟

السنا نصلي الخمس صلوات زي بعض؟

السنا نتجه لقبلة واحدة ؟

السنا نذهب للحج لا فرق بين مصري وجزائري وتونسي او سعودي؟

السنا جميعا نشهد ان لا اله الا الله وان محمد رسول الله ؟

اذن فلماذا كل ذلك

انها اللعبة الخبيثة لكرة القدم والقائمين عليها ومنظميها

هناك تعليقان (2):

راجية الرحمه يقول...

موضوعك الاول وهو قضيه استاذ عمرو سلامه فمن وجهه نظرى ان اللى حصله ده اكبر دليل على نجاحه واتمناله النجاح الباهر

موضوعك التنى احذفوا المسجد الاقصى من القرأن كلمات حضرتك خلتنى خرسه مش عارفه اقول ايه
اقول حسبنا الله ونعم الوكيل فيهم ....اقول منهم لله...لكن فى النهايه ان نصر الله لقريب

موضوعك الاخير كره القدم
ماتش وكأنه شبه حرب والكارثه انها حرب بين عرب مسلمين فى قاره واحده
اسفه فى اللفظ اللى حصل ده سذاجه انهم يقطعوا بعض عشان كوره ..ايه التفاهه دى

غير معرف يقول...

السلام عليكم
بالنسبه للاخ لسه عايش اكيد الكل بعد ما عرف الحكايه فمتضامن معه
ومن الله فى فونع وانه لبتلاء من رب العالمين لاحد عباده.
اما احذفوا الاقصى من القران قرات الكثير ولكن كل اليوم التعدى السافر يزيد اكتر ولكن هل يستطعيوا؟ والله لما يمعلموا ايه هتفضل كمله الحق صداع فى الراس.
بالنسبه لحوار الكوره.معلش فى غلط واضح لكن الفكره ان الحكومات بتغلط ويدفع الثمن الشعوب.
والاهم ان اغلب الشعب مشحون شحنه اعلاميه قويه ليها سبب واكيد حضرتك عارف ومتاكد انه كل دده لتغطيه على مصايب كبيره هتحصل او بتحصل بالفعل.
فبدل احنا ما نطالب بتعويض ونرجع المصريين اللى بيضربوا هناك ونخلص الكلام ونبطل تبادل الشتائم, لاء لازم نواصل وصلات ردح متواصله على اساس انه توى ما اكتشفنا ان لينا كرامه
كاتنا ضربه