الأحد، 7 نوفمبر 2010

انه محتاج لدعائنا

اخواني العزاء
تذكرون جميعا ذاك الدكتور الذي سرب الامتحان
والذي كنت قد أقسمت علي انه
لن تمر سنوات دراستي في الكلية الا بعد ان يعرف
من هو ابراهيم عبد اللطيف
هذا الدكتور يا احباب
ابتلاه الله بسرطان القولون بعد الامتحانات مباشرة
ولا احسب ذلك الا من دعوة احدي الامهات
وهو الان يطلب من كل من ظلمهم ان يسامحوه ويدعون له بالشفاء
فاللهم اغفر له واشفه شفاء لا يغادر سقما

الجمعة، 23 يوليو 2010

مولانا ابن سيرين النصاب

كلنا عارفين العلامة ابن سيرين والمشهور بتفسير الاحلام


ومش عارفين عنه غير موضوع تفسير الاحلام ....وبس


ولكن اللي مانعرفوش عنه انهكان راجل تقي وورع وان موضوع تفسير الاحلام ما هو الا شئ بسيط من سيرة ابن سيرين بل ان بعض العلماء يشككون في كون كتاب تفسير الاحلام هو من تاليف ابن سيرين


ابن سيرين هذا شخصية اسلامية عريقة ووالده كان نصرانيا قسيسا وكان معه قسيس اخر اسمه نصير ولما كان الفتح الاسلامي للبلاد دخل جيش المسلمين احدي البلاد ووجدوا كنيسة وفيها اثنين من القساوسة هما سيرين ونصير فتركوهما لان احكام الاسلام تمنع الاعتداء علي العباد في دور العبادة فاسلم القسيسان وانجب كل منهما ولد وصار نابغه فصار ابن سيرين تاجرا وعالما مشهورا وصار نصير قائدا عسكريا كبيرا وفاتحا عظيما


ويروي عن ابن سيرين انه كان تاجر زيوت وفي يوم اشتري زيوت باربعين الف دينار ووجد العمال في احد البراميل فأرا ميتا فقالوا نرمي البرميل الذي وجدنا فيه الفار فرفض ابن سيرين وامرهم ان يرموا الزيت كله وقال ان الزيت كله خرج من معصرة واحدة


...


السؤال الاهم هل سمعنا عن ابن سيرين العصر الحديث


ايوة بتاع برنامج احلام علي قناة المحور





هذا الرجل الذي خدع الملايين من الناس بموضوع تفسير الاحلام وهو لا يقرا القران اصلا قراءة صحيحة


اسمعه في البرنامج وهو يقرا القران فلا تجد احكام التلاوة الصحيحة ناهيك طبعا عن التاليف والنصب علي خلق الله


ولم يفضحه ويظهر حقيقته علي الملا غير اتنين من العلماء وهما الاستاذ الدكتور مبروك عطيه في برنامج البيت بيتك والدكتور محمد المهدي استاذ الطب النفسي ببجامعة الازهر


اخر تقاليع الشيخ واحده اتصلت عليه بتقوله يا عم الشيخ انا حلمت اني باكل محشي قاله بعد اذ1نك سؤال مهم محشي كرنب ولا خس قالت خس قالها الحمد لله لان كلمة خس فيها حرف من كلمة خير اما الكرنب ففيه حروف من كلمة كره فالرؤيا خير ان شاء الله


وسلملي علي الشعب المصري

الأحد، 18 يوليو 2010

انها الحقيقة

اخواني الاعزاء
اعتذر عن الطناش اللي حصل الايام اللي فاتت لانه بجد كان غصب عني
الحمد لله النتيجة ظهرت واخوكو زي الاسد جاب جيد جدا والحمد لله
بصراحة فكرت كتير في موضوع اليوم ولما فكرت لقيت ان معظم كتاباتي الماضية كانت عن الفساد والحرامية والمرتشين وتسريب الامتحانات وقبل ما اقرر موضوع اليوم وصلني الخبر الصدمة
عظم الله اجرك اخوك سامح مقلد توفي
لا اله الا الله ..انا لله وانا اليه راجعون
في البداية لم اصدق ما سمعت
اخونا سامح ..ريعان الشباب..الفتوة ..القوة في الحق...الصدح بكلمة الحق ليل نهار
الوقوف في وجه الظلم ...مات ..هكذا
ايوة يا عم البقاء لله اخونا سامح مات ..
بقيت فترة من الزمن احاول الافاقة من الصدمة
لا زلت اذكر ابتسامته الحنونة ...جرأته وشجاعته
لا زلت اتذكر خطواته ... كلماته ... مواقفه ... يا رب رحمتك
رحمك الله يا اخي واسكنك الجنة مع النبيين والصديقين والشهداء والصالحين وحسن اولئك رفيقا
اخواني ليس في الموت علة ولا سبب
انه الحقيقة التي لا شك فيها ...الحقيقة التي لو تذكرها البشر وتذكروا ما بعدها لهانت الدنيا عليهم كاكثر ماتهون الاشياء
الحقيقة التي لو تذكرها الحكام لما بقو السنين الطويلة
والتي لو تذكرها المفسدون لما فسدوا ..والمرتشون لما ارتشوا..
الحقيقة اللتي لاتفرق بين صغير وكبير شاب وشيخ رجل وامراة الكل سواسية فيه
فاذا جاء اجلهم فلا يستأخرون ساعة ولا يستقدمون
رحم الله اخونا سامح فقد كان في حياته قدوة وواعظا... وبعد وفاته مذكرا لنا بحقيقة الفانية ..الدنيا

الأحد، 13 يونيو 2010

الصعايدة وصلوا....يا مراحب يا ولدي






قفل مالوش مفتاح-مرة واحد صعيدي - دماغ ناشفة - التار-البندقةيا ولد(البندقة بدون ياء)

كلها الفاظ نتذكرهاعندما ياتي ذكر الصعايدة نتندر بها وبذكرها ونخترع النكت عليهم وهاتك يا ضحك من قلب الفشة



ولكن اللي يفكر للحظة ويبص في نظرة فاحصة في مصر بطولها وعرضها يجد في الصعايدة خير مثال علي الصبر والكفاح حتي النجاح ولو سالت اي واحد هايحكيلك حكاوي عن النجاح الذي يحققه الصعايدة اذكر منها عم ناصر بتاع الفول شخص يعرفه كل ابناء ديرب نجم هذا الرجل جاء للمدينة من حوالي 20سنة واستاجر غرفة صغيرة وبدأبعربية فول بدون حمار اما الان فهو برضه بعربية الفول ولكن منزلين ماشاء الله وبدل ناصر واحد بقوا 10ناصر بتاع الفول وبرضه عربية بدون حمارولكن يبقي عم ناصر الكبير هو الاساس في احلي طبق فول في ديرب




ايضا حكي لي احد اخواني المسافرين للكويت عن موقف طريف حين حدث اختلاف في وجهات النظر بينه وبين احد الكوايته فقال له الكويتي هوانت مصري ولا صعيدي فهم يفرقون بين المصري والصعيدي حتي يضعوهم جنسيتين مختلفتين


ولما سافرت لدمياط الجديدة وجدت ظاهرة اذهلتني وهي ان الشارع التجاري الاساسي في دمياط الجديدة اسمه (شارع الصعيدي )ليست هذه هي المفاجأة وانما ان اكبر مطاعم دمياط الجديدة اسمه مطعم الصعيدي ليس هذا فحسب بل ان هذا الشارع يضم حوالي 9محلات سوبر ماركت منها حوالي 6 للصعايدة فقط فضلا عن وجود 7افران مخبوزات منها 6 للصعايدة ليس هذا فقط بل ان الفكهانية كلهم صعايدة وعمال البناء المنتشرين في الشوارع كلهم صعايدة حتي انه حدث في يوم ان احد مخبري القسم تشاجر مع واحد من العمال وتكلم في اللاسلكي للقسم عشان يبعتوله حد ياخد الواد الصعيدي ففوجئ بهجوم من العمال الصعايدة من كل حته في الشارع وكتفوه ومشوا بلدياتهم بسرعه .

قلت اروح البحر بعد الامتحان نتهوا شويا لقيت كل شوية واحد بياع والمفاجأة صعيدي والاعمار من 8سنوات وحتي 40سنة



ولحد كده وماقدرتش قلت اروح انام في البيت احسن وانا طالع عالسلم لقيت جارنا بيسلم علي ويقول

صباح الخير يا ولد عمي

الثلاثاء، 1 يونيو 2010

الكلاب والخنازير





عندما تريد وصف شخص تكرهه تقول ده كلب او خنزير



ولكنك لا تدري انك ربما مدحته



فالكلب مع نجاسته فانه يتسم بصفة الوفاء



والخنزير مع قذارته فانه يخلص البشر من القمامة والزبالة



لا اتحدث هنا عن اليهود



فهم اقذر من ان نلوث السنتنا بذكرهم وذكر اوصافهم الا في حدود ما وصفهم القران به



ولكن هنا اتحدث عمن هم اقذر واحقر من الكلاب والخنازير




لا اجد وصفا لوصفهم



لا اجد كلمة حقيرة تصف افعالهم واقوالهم



لسبب بسيط انهم لا يعرفون الكلام



كل ما يهمهم ان يلعقو فضلات احفاد القردة والخنازير



يملئون كروشهم بما لذ وطاب من الطعام



ويجيلهم امراض في المرارة ويروحوا المانيا يعملوا عملية هناك



كل واحد فيهم كل ما يهمه يثبت نفسه في الكرسي



مش عارف اوصفهم



فين الخنازير دول من اللي بيحصل في دولهم ولابناء الدول اللي حاكمينها



بيتقتلوا في كل مكان



بيتشتموا في كل حته وكل اللي يقدروا عليه نشجب ونستنكر وندين



عمل ايه الشجب لاخوتنا في غزة



عمل ايه الاستنكار للاقصي اللي اولاد الخنازير عاوزين يهدوه



عملت ايه الادانة لأسطول الحرية اللي اليهود ضربوه وقتلوا 19بطل قرروا كسر حصار غزة مع حوالي 1000 بطل تانيين



عملوا ايه شوية الخنازير دول



غير نرفض التصرف الخنازيري لاولاد الخنازير



او



لايمكن تحمل افعال الكلاب اللي بتحرس حظيرة الخنازير



يا ايها الذين لا نعرف لكم صفة حقيرة نصفكم بها



ارحلوا عن بلادنا



احفروا قبوركم في اماكن لا يعلمها احد حتي لا يتخذها حجاج



بيت الله الحرام



مكانا لرجمكم بدلا من رجم ابليس لان ابليس لا يتعلم الا منكم



استعدوا للثورة القادمة



فالطوفان القادم حتما سيقضي علي الخنازير وبالطبع الكلاب التي تحرس الخنازير



.....................................



يرحم الله اطهار العالم ..الشهداء التسعة عشر الذين قتلوا



وهم يعلنون لربهم برائتهم من افعال الخنازير وحراسها الكلاب



الأحد، 16 مايو 2010

الامتحان اتسرب





التدوينة اللي قبل اللي فاتت كتبت عن الفساد عندما ياكل الضمير


هذا الرجل الذي استشري فسادا في كلية طب دمياط


ويعلمه كل طلاب البكالوريوس جميعا


اخيرا


ها


تم تسريب امتحان اخر السنة العملي لمادة طب المجتمع


ورئيس القسم


في الطراوة


بل قل


في الباي باي


بل قل


نايم علي ودانه


حذرناه كثيرا


وابلغناه ان امتحان نصف العام ...تسرب


فلم يستمع لنا


والان ....امتحان اخر العام


ان شاء الله انتظروا مفاجأتي بعد النتيجة


ان شاء الله


و


أبدا


ماتخافوش


الاثنين، 10 مايو 2010

أنا آآسف

زوار ماتخافوش الكرام
بدأ موسم الامتحانات
فسأضطر للانقطاع عن المدونة
ادعولي بالخير والتوفيق
وبالنجاة من الظلم
سلامو عليكو

الأحد، 11 أبريل 2010

الفساد لما ياكل الضمير

اكتب البوست ده وانا بصراحه مخنوق ومضايق جدا من ذاك الكذاب المفتري المنافق الدكتور بقسم طب المجتمع والصحه العامة للاسف بطب الازهر شخص عندما تراه للوهلة الاولي تشعر أنك امام الاحترام والاخلاق والشجاعه في مواجهة المخطئين والبعد عن الغش والتدليس في الحقائق ولكن تكتشف العكس عندما تتعامل معه فهو :
شخص مستعد انه يبيع عياله في سبيل الفلوس
مستعد انه يلحس الجزم وياكل تراب عشان يجمع فلوس
سالت عنه زملاء الدراسه لم يصدقوا وقالوا دا كان ملتحي ومتدين (وجماعه اسلامية)ايه اللي حصل؟؟
القذارة والسفالة والتكبر عندما يتحدث مع الطالب
والنفاق والمكر والكلام المهذب عندما يتحدث مع رؤساؤه
لا اعرف طالبا في كلية طب دمياط لا يكره هذا الرجل
كل الطلاب يدعون عليه ليل نهار
وينتظروا يشوفوا فيه يوم
فلوس حرام في حرام
تجلس معه عشان تاخد كورس كوميونتي يحسسك انه رئيس القسم
وان رئيس القسم في جيبه
متخصص فتنة وكذب علي رئيس القسم حتي يجعل رئيس القسم منقلب علي الطلاب دائما فيخاف الطلاب من القسم ويروحوا ياخدوا عنده درس
ظلم وافتراء علينا طول الوقت
نكلم رئيس القسم يقول ماتخافوش انا معاكو نخش المحاضرة وللا السكشن نلاقي رئيس القسم منقلب علينا وبيزعق طول الوقت
يمكن دا القسم الوحيد اللي كرهته من قلبي
مع ان رئيس القسم راجل محترم ومعظم دكاترة القسم محترمين
الا ان هذا الشيطان في هذا القسم يجعلك تكره كل الناس في القسم ويجعلك تشعر ان كل دكاترة القسم بيكرهوك
.....
في النهاية حسبنا الله ونعم الوكيل في كل من ظلمنا ويظلمنا
ووالله الذي لا اله غيره لن تمر سنواتي في الكلية الا بعد ان اجعل هذا الدكتور يفتكر كل يوم مين هو ابراهيم عبد اللطيف
اللي قال من زمان
ابدا يا ناس
ماتخافوش
وربنا معايا... طالما الحق معايا

الخميس، 25 مارس 2010

ولما كان يوم الثلاثاء

المكان: كلية طب الازهر بدمباط الجديدة
الزمان الساعه 9 صباحا يوم الثلاثاء 16/3
المطلوب: تنظيم معرض عن المسجد الاقصي المبارك وما يتعرض له من مخاطر
الاحداث:
1- طلاب الاخوان يدخلون بخطوات ثابته من البوابة الرئيسية ويفتحون البوابات بهدوء ويتجهون نحو مبني المدرجات
2- اللوحات تصل عبر الطائرات المروحية الاخوانية (يعني من فوق السور عشان المشاكل)
3- طلاب الاخوان يبدأون في تعليق لوحات المعرض والطلاب يتوافدون ويتجمعون استعدادا للمشاركة في المعركة المتوقعه بين زملائهم طلبة الاخوان وعمال وموظفي الكلية المدعومين بحرس الجامعه
4- عمال المدرجات يبدأون في مضايقة طلاب الاخوان ويحاولون منعهم من تعليق اللوحات فيتصدي لهم طلاب الاخوان بهدوء وادب.
5- العمال يبدأون في اجراء الاتصالات بالحرس الجامعي وادارة رعاية الشباب(الحقوا طلبة الاخوان عاملين مظاهرة ومعلقين صور كتير عن الاقصي) والادارة لا تستجيب ويقولون براحتهم من حقهم يعملوا اكتر من كده(علي غير العادة طبعا)
6- احد العمال يجري الي حرس الجامعه ليخبره بالنبا العاجل فيفاجأ برد الامن سيبهم براحتهم يعملوا كل اللي عاوزينه
7- الطلاب مذهولون من تعاون الامن والادارة بسلاسة مع طلاب الاخوان بل ومشاركة بعض الموظفين ودكاترة الكلية في فعاليات المعرض
8- الطلاب يتوافدون بكثرة علي المعرض ويبدأ طلاب الاخوان في شرح ما يتم في الاقصي لهم وسط اهتمام الطلاب وابداء استيائهم وتفاعلهم مع مايحدث في الاقصي واستعدادهم لبذل الغالي والرخيص نصرة للأقصي
9- اذان الظهر يرتفع في مسجد الكلية فيبدألاب الاخوان وطلاب الكلية في التوافد علي المسجد لصلاة الظهر والدعاء في الصلاة من اجل انقاذ الاقصي.
10- طلاب الاخوان يختتمون فعاليات المعرض بكلمة لبيان الواجب العملي علي الطلاب لنصرة الاقصي ويبدأون في جمع اللوحات والانصراف في هدوء دون ان يتعرض لهم احد.
(علي فكرة هذا هو ما حدث في الكلية ولاول مرة يقوم الاخوان بعمل لا يجدوا فيه تعنت من الامن او الادارة لا اعرف هل هي سياسة المرحلة القادمة ام موقف واحد وانتهي؟)

الأربعاء، 10 مارس 2010

ورحل شيخ الازهر






البقاء لله يا جماعه توفي اليوم الي رحمة الله تعالي

الشيخ محمد سيد طنطاوي شيخ الازهر

اثر ازمة قلبية

فاللهم اغفر له زلاته في حق المسلمين واغفر لنا زلاتنا في حقه و عامله يا ربنا بالفضل لا بالعدل

وعزاؤنا الخالص للامة الاسلامية كلها


وانا لله وانا اليه راجعون

الأربعاء، 3 مارس 2010

الحقوني ابويا بقي.... يهودي

طبعا ماحدش مصدق اللي باقوله
لكن والله صدقوا يا جماعه ابويا بقي يهودي واليهود قالولي مالكش دعوه بابوك تاني

لانه خلاص ومن الاخر ...بقي تبعنا

ولاني واثق من ابويا سالته

ايه يا بابا ...هو انت بقيت يهودي ؟؟

.... يا ابويا ما تتكلم .... انت مش راضي ترد عليا ليه

بصلي ورد عليا

وقال .... انا مش ابوك

؟؟؟؟

قلتله :نعم مش ابويا ازاي ...دا انت ابويا وابو الناس كلها

.... دا من غيرك ما كانتش البشرية دي جت ولا شوفناها

ولا حتي سمعنا عن الانبياء كلهم

دا انت ابوهم ...مش ابويا انا لوحدي

دا حتي اسمي علي اسمك

دا احنا في كل صلاة لازم نقول اسمك في التشهد 4مرات

مش ابويا ازاي وانت مذكور في القران

فرد عليا وقال : ما تزعقش كتير ان عارف اني ابوك انما باقي الناس سابوني لليهود

لا حكام بيتكلموا ..ولا شعوب بتسمع ولا تهتم ...كل اللي هاممهم مصر هاتغلب انجلترا ولا لأ ش كده يا يا ابوخليل!!!

(سكت ومارديتش)

فكمل كلامه وقال تعرف تقوللي ايه الدليل اني ابوك بعد ما نسيتوا القران واياته

وللا بعد ما الناس اتقتلوا في المسجد بتاعي ولا انتوا هنا

ولا انتوا فين لما اليهود وصلوا المسجد وداسوا عالارض بالجزم

كنتوا فين ؟؟؟

كنتوا فين لما اليهود شغالين حفر تحت الاقصي وانتوا عمالين تقولوا للبيت رب يحميه واهو خلاص هايقع

كنتوا فين لما اليهود ضربوا غزة بالطيران والدبابات والفوسفور الابيض؟

كنتوا فين لما الحصار شغال ومتواصل علي غزة ومش كده وبس دا انتوا بتساعدوهم كمان وقال ايه احترام السيادة؟؟!!!

وفين وفين وفين

بص يا ابني لما تبقوا تعرفوا تقروا القران ابقوا تعالوا حاربوا اليهود

بصيتله باستغراب

وقلت له: والله باعرف اقرا امال هاصلي ازاي؟

قال: قرات الاية بتاعت اول الاسراء

قلتله: ايوة

قاللي :كام مسجد ذكر فيها

قلت: له اتنين

قال :امال انتوا خلتوه واحد ليه

قلتله: ازاي ؟؟؟؟

قال: فاكرين المسجد الحرام وناسيين المسجد الاقصي لما بتروحوا تحجوا صح؟؟؟

ايوة صح (دا انا باكلم نفسي)

قلتله: طب يا ابويا عايزينك ترجعلنا تاني تبقي بتاعنا احنا المسلمين؟

قال: لما ترجعوا لدينكوا صح وتسيبوكوا من التعاون مع اعدائكوا ابقي ارجع!!

ارجع يا ابراهيم وخلي الناس تفهم دينها صح وتقاطع اليهود صح وتعبد ربها صح هاتلاقيني رجعت

قلتلوا: ان شاء الله يا ابونا ابراهيم قريب وقريب اوي كمان ان شاء لله

(في النهاية دا حور تخيلي دار بيني وبين ابونا نبي الله ابراهيم وهو من واقع ما تم علي ارض فلسطين من ضم مسجد الحرم الابراهيمي الي التراث اليهودي الذي دفن فيه سيدنا ابراهيم واسحاق ويعقوب ويوسف وزوجاتهم عليهم جميعا السلام هذا بالاضافة الي مسجد بلال بن رباح الذي دفن فيه سيدنا بلال بن رباح)
ارجو ان تكون الرسالة قد وصلت ...تماما

الاثنين، 22 فبراير 2010

اوجه الشبه بين محمد علي وحسني مبارك؟؟ورزقنا علي الله

اعزائنا الكرام
هانكتب انهارده عن اوجه الشبه بين محمد علي وحسني مبارك ورزقي ورزقكو علي الله وربنا يستر
اوعي حد يخاف
.........
حسني مبارك حكم مصر حتي الان لمدة تقترب من 30سنه 00بدون انتخابات نزيهة
وكذلك محمد علي حكم مصر مدة اكتر من 40 سنه وبرضه بدون انتخابات خاااااالص
....
حسني مبارك يستعد لتوريث ابنه الحكم مكانه
وهو يشبه محمد علي اللي ورث اولاده واحفاده لمدة 140 سنة واكتر
..........
حسني قبض علي الاصلاحيين وحبسهم في سجون ومحاكمات عسكرية ومنهم الكثيرون الذين ماتوا في السجون والله يحاسبه زكي بدر يشهد
وكذلك محمد علي قتل قادةة الحركة الاسلامية والمجاهدين (اللي قال عنهم التاريخ المزور بانهم المماليك قطاع الطريق)ونفي القادة الشعبيين
..........
حسني مبارك هو القائد الاوحد والرئيس الاوحد في عصره
محمد علي كذلك لا رئيس الا هو ولا حاكم غيره
..........
حسني مبارك انتماؤه لامريكا والغرب
محمد علي كان انتماؤه للغرب وليس للاسلام
.........
حسني يتعامل مع مصر علي انها عزبته وليس لاحد سلطان عليها
وكذلك محمد علي كان يتعامل مع الشعب علي انهم خدم له ولاغراضه
.........
محمد علي قصمه الله وازال عرشه
حسني مبارك .........ينتظر امر ربنا

الأحد، 7 فبراير 2010

من هو محمد علي؟؟ هل يشبه حسني مبارك؟

هذا الموضوع بمناسبةزيارتي المكوكية لقلعة صلاح الدين الايوبي بالقاهرة وبالطبع مسجد محمد علي بالقلعه
والسؤال الذي طرأ علي ذهني لما كنت هناك هو ما وجه الشبه بين محمد علي ومحمد حسني مبارك؟؟
السؤال لزوارنا اكرام وان شاء الله التدوينة القادمة ستكون اجابة عن سؤالين
من هو محمد علي باشا؟؟
وما هو وجه الشبه بينه وبين رئيسنا المبجل محمد حسني مبارك؟
انتظر اجاباتكم لنرد بردود تاريخية صحيحة

الأحد، 31 يناير 2010

مبروووووووووك لمصر!!عقبال غزة!!





مش


لاقي


كلام


يتقال


غير


مبروك لمصر


للمرة الثالثة علي التوالي كأس الامم الافريقية 2010


ولي امنيتان اتمني ان تتحققا


وهما


اولها


ان نهنئ مصر بتخلصها من السيطرة الخارجية علي قرارهاوترفع الحصار عن غزة


وتفتح المعابر لتعبر جماهير غزة لتشارك الشعب المصري احتفالاته بالفوز


وثانيها


فوز المنتخب العربي بكأس العالم


.............


الامنيتان تدخلان تحت باب


رابع وخامس المستحيلات


قولوا يا رب تتحقق وانا عايش


الأربعاء، 27 يناير 2010

فهمي هويدي....عندما تتكلم الوطنية!!!!

انهارده انا مش هاتكلم كتير لان يا جماعه الراجل اللي هاتكلم عنه ده كل ما ادور في كتاباته عن خطأ واحد يدل علي ان الرجل له اتصال بجهات خارجية او يتكلم بسياسة عليا او ان كلامه له مرجعيه أمنيه لا اجد هفوة

سمعته يتحدث مع القذافي علي قناة الجزيرة علي الهواء وتطاول القذافي عليه بالكلام فما كان من الرجل الا ان رد عليه بأدبه الجم وبذوقه العالي دون ان يلوث اذان المشاهدين بالفاظ سيئة كما فعل القذافي عندما قال لمقدمة البرنامج انتو ايه اللي يفهمكوا في السياسه انتي والجزيرة واللي قاعدين معاكي فرد الاستاذ بكل ادب ان يا سيادة العقيد قبل ان تصل انت للدنيا كنا نحن فيها والمثل المصري يقول اكبر منك بيوم يعرف عنك بسنة


رايته في حواره الرائع مع مني الشاذلي يتحدث عن اسباب خروجه من الاهرام التي ظل يعمل فيها ل52عام ولم يتلفظ الرجل بلفظ يخطئ في المؤسسه الكبري رغم عناكب الشر التي تلتهم المؤسسة وخيراتها وتدفن مواهبها عن عمد

علي الرغم من حداثة عهدي بقراءة المقالات الصحفية للكتاب الصحفيين في الجرائد الا اني وفي كل مره اقرأ مقال الاستاذ اجد فيه كلاما وطنيا خالصا يفيض من قلب مصري حتي النخاع رجل لا يجد في اصلاح مصر سوى قلمه الذي اتعب الكثيرين من وزراء ومحافظين يكتب هنا وهناك ويترك جريدة الي جريدة لان الجرائد التي يتركها لا تتحمل مقدار حريته فيفضل وبكل تواضع وأدب ان يتركها الي حرية اوسع

في نهاية كلامي
اقول للأستاذ
تعلمت منك الوطنية يا استاذي ..
تعلمت منك حب هذا البلد ..
تعلمت منك ان الساكت عن الحق شيطان اخرس

....مدونة تنشر مقالات الاستاذ اولا باولhttp://fahmyhoweidy.blogspot.com%20/

الثلاثاء، 19 يناير 2010

هكذا تحدث المحامي العام عن زكي بدر وولده أحمد؟؟؟




كنت في قريتنا اؤدي واجب العزاء

في احد اقاربنا واحد اصدقاء جدي الاعزاء عليه رحمة الله الذي كنت اعزه جدا وأحبه جدا مثله مثل جدي تمام


وشوية قلت استأذن انا والحاج والدي لقيت ابنه بيقوللي استني شوية فيه واحد جاي عاوزك تتعرف عليه

قلت مين ؟

فقال المحامي العام لنيابات ....... احدي محافظات مصر قالللي دا راجل محترم اوي ونفسي تتعرف عليه

بصيت لوالدي وقلنا نقعد نشوف الباشا ووصل الباشا وسلم عالناس واستأذن يصلي المغرب

قلت بس دا باين عليه راجل محترم ومتدين بعد الصلاة اتعرفنا عليه

وبدأ الحوار عن عمله في النيابة وانفلونزا الخنازير قال عنها دي لعبه الحكومة عاملاها عشان
تخلص علي اقتصاد البلد اجي اقول له يا عم بس فيه انفونزا يقول لا انفلونزا ولا حاجه

قلت طب نعدي دي

تطرق الحوار لاحمد زكي بدر وابوه زكي بدر


بصيت لقيت الراجل بيدافع عنهم كأنهم اشرف ناس في الارض

قلتله يا باشا بس ما تنساش اللي عمله احمد زكي بدر في جامعة عين شمس

قال لا ماعملش حاجه دا راجل تربوي وكان بيأدب الطلبه الغير مؤدبين ..


تركته يتكلم عن احمد زكي بدر كيفما شاء ولما انتهي من كلامه

وجدت ترحيب عاصف بكلامه من الفلاحين والجهلة من الجالسين

لانهم لا يعرفو احمد زكي بدر ولا حتي ابوه

فقلت له يا باشا تسمح لي باضافه لكلام حضرتك

قال بكل ذوق اتفضل

قلت له لما هو احمد زكي بدر مؤدب وتربوي وراجل سمعته زي البفته البيضا ..

جاب بلطجية وضرب طلبة جامعة عين شمس ليه ؟


ورفض اضرابات واعتصامات الاداريين والدكاترة؟

بل وحولهم لاعمال ادارية ورفض مقابلتهم ليه؟

اهذا اسلوب تربوي في حل المشاكل؟

ثم لماذا كان يعامل اساتذة الجامعه كانهم عبيد وليسوا اساتذه ؟

ولم يستطع طالب واحد ان يقابله طوال فترة وجوده كرئيس لجامعة عين شمس؟

فابتسم الرجل وقال اكمل
قلتله ايه رايك في زكي بدر بقي ابوه ؟

رد الرجل وقال دا بقه اتعاملت معاه شخصيا وكنت قريب منه

دا كان راجل انساني وراجل مؤدب يكره الظلم ويحب الحق ولو علي رقبته 00

فابتسمت وقلت له طبعا بأمارة الشتايم العلنية للوزرا تحت قبة مجلس الشعب

والاف مؤلفه من قضايا التعذيب في السجون

وخروج اشرف وزراء مصر حسب الله الكفراوي من الوزارة بسببه 0

ساعتها بصييت لقيت الناس في العزا بتبص لي ببحلقة

لان الكلام اغضب الباشا وهو مش عاوز يرد عليا

فنظر لبعضهم فوجدت الردود ان يا دكتور كلام الباشا مظبوط

هو انت عشت ايام زكي بدر قلت لا

قالوا خلاص زي ما الباشا يقول هو الصح

المهم ضحكنا وعدا الموضوع ولكن بقي شئ واحد ان مثل هذا الرجل

(ولا اريد ان يفهمني احد غلط اني اعيب في شخص الرجل
لا والله دا كان راجل في غاية الذوق والادب

بس اقصد ان الرجل استغل منصبه وانبهار الناس به في توصيل فكره وتغيير مفاهيم الناس)

..وامثاله هم من يغيرون ثقافة البسطاء لان البسطاء لا يفقهون في السياسة ولا امور الدولة

وعندهم لما الباشا يقول كله ينفذ لانه لا يريهم الا ما يري
وكلامه مظبوط وما حدش يعارضه لان معارضته عيب

.......اوي

الأحد، 10 يناير 2010

قمة الوقاحة؟؟ عن حصار غزة نتحدث!!!

ظللت لعدة ايام ابحث عن معني كلمة وقاحة ولم اجد اجابة

فمرة واحد يقول قلة ادب

ومرة واحد يقول قذارة والبعض يقول سفالة

ولم يتفقوا علي كلمة تؤدي معناها

ولكن الجميع باتفاق واجماع قالوا

انها وصف لزيادة الحد المسموح به من الغلط دون الاستحياء من الخلق او الخالق

فقررت استخدام هذه الكلمة

الوقاحة وأضفت لها كلمة قمة فصارت

قمة الوقاحة

لنتحدث عن حصار غزة

عندما تقرر مصر اغلاق معبر رفح فان ذلك يسمي وقاحة!!

عندما يقف العالم موقف المتفرج علي من يموتون في غزة لانهم لا يجدون الدواء فانها وقاحة!!

عندما يقف الحكام العرب امام حصار غزة ولا يتكلمون ابدا ولا يعملون فانها وقاحة!!

عندما تعتقل مصر الشرفاء وتسجنهم في المعتقلات بتهمة نصرة غزة فانها وقاحة !!

عندما يمنع النظام المصري قوافل الاغاثة من الدخول الي غزة فانها وقاحة !!

عندما يقوم النظام المصري بافتعال الازمات مع غزة حتي يجد مبررا لاغلاق الحدود فانها وقاحة!!

حينما تخرج الدعوة هناء سمري والكابتن سيد في برنامج 48ساعه علي قناة المحور

لتسب حماس وفلسطين وكانهم اشد خطرا علي مصر من اليهود فانها تسمي وقاحة!!

وحينما لا تجد راجل يلمها ويشكمها برضه تسمي وقاحة!!

أما حينما يقرر النظام المصري بناء جدار فولاذي تحت الارض لمنع بناء الانفاق

ومنع قوافل المساعدات الانسانية من الدخول لغزة الا عن طريق الهلال الاحمر المصري

ويجيش الجيوش ممن يقولون عنهم انهم علماء ومشايخ

وكذلك جهاز اعلامي فاشل وسياسيين يقولون عن انفسهم انهم محنكين

ويفتح النظام عينه في عين العالم كله ليقول

ارضي وانا حر فيها والصهاينه حبايبي وولاد عمي واهل غزة ماعرفهمش وماليش دعوة بيهم

وان شالله يموتوا وللا يولعوا بجاز وانا مالي

فان ذلك لا يسمي الا

بقمة الوقاحة

الثلاثاء، 5 يناير 2010

البقاء لله وعظم الله اجركم

عزاء واجب
توفت الي رحمة الله تعالي بعد طول معاناة وعذاب مع الامراض والاوجاع لمدة طويلة تربو علي 20عاما السيدة المحترمة المربية المعلمة (وزارة التربية والتعليم ) وذلك بعد ان تمكن منها السرطان الخبيث واجهز عليها البلطجي الجزار احمد زكي بدر جزار جامعة عين شمس ابن الجزار زكي بدر وزير الداخلية الاسبق (شمس بدران الثاني) والمعروف عن احمد زكي بدر حينما كان رئيسا اقصد جزارا لجامعة عين شمس استدعاؤه للبلطجية وارباب السوابق لضرب طلاب الجامعه وكان يتعامل مع الاساتذة كانهم خدم وعبيد ومن يرفض هذه المعاملة يتم ذبحه في السلخانه المسماه بالتحويل للاعمال الادارية.
يقام سرادق العزاء في كل مدارس مصر ويتم تقديم العزاء لشعب مدرس واولياء الامور ولا عزاء للفاسدين والبلطجية
رحم الله مصطفي كمال حلمي وكل الشرفاء واسكن الوزارة الجنة معهم ان شاء الله والحق كل الوزارات بهم علي خير ما دام ليس هناك امل في الاصلاح اقصد العلاج
شكر الله سعيكم ولا اراكم الله بلطجيا جزارا في وزارة لديكم